今日返到幼稚園,我就叫同事收集禮物,然後交換禮物...我抽左校長既毛毛散子包,而校長竟然抽中我份禮物,我同佢真係交換禮物呀!...不過,其中一個同事因某原因,最後同校長交換左份禮物,最後我地影番d開心合照呀!

我就係買左杯麵紙巾套,好得意架!

重有呀,原來今年都收到唔少學生既聖誕咭,真開心呀!

多謝士巴拿送給我Hello Kitty紀念車票+扭蛋機,重有一個靚靚透明膠袋...張車票重可以搭兩次港鐵呀!

唔經唔覺我地結左婚三個月,今晚當然要去慶祝下啦!今次揀左新世紀既Applegreen...我地叫左四樣野~特式捧捧雞沙律+芝麻薑汁,煙肉忌廉海蜆意大利粉,焗薯皮,凍朱古力...我地覺得三樣野都好好味,士巴拿話比五粒,值得推介喎!

之後我地行左陣新世紀,影下相...就落花園街旺角行下,又買左兩份聖誕禮物...依家只差兩份就搞掂喇!

今日係幼稚園既聖誕聯歡會...未開始前,我地影影影...

今日重係小蜜蜂隊成立同宣誓典禮,我呢個小蜜蜂領袖要著番套制服尊重一下先

最後,成個典禮同聯歡會都好順利完成~之後有個茶聚,今日重收到少少小朋友送既聖誕禮物,真係多謝佢地喇!...聽日佢地就開始放假lu...要到出年2009年先見啦!

放工同士巴拿又去又一城呀!前兩次去都無行街,今晚係打算行下同買下聖誕禮物

我地去food court食,見到有間叫韓國屋,我就叫左韓式牛肉粉絲窩飯,士巴拿就叫左雞肉石頭窩飯..我地覺得幾好味,唔錯呀!

食完野,見到商場有表演睇...咪行去睇下,原來有人玩雜技,都幾犀利同搞笑架!

今晚行左陣,只係買左一份禮物...咁過兩日都要繼續shopping喇!

今晚我同朱太、梁太約左蔡太一家三口係又一城食飯...第一次見彤彤,佢幾得意,我地重抱下佢同佢玩下...好搞笑呀!

我地今晚係Rice paper食飯呀~~每碟既份量就少d,味道一般啦!起初都有影下相,後期掛住同彤彤玩,唔記得同d食物影相lu

今晚收到士巴拿既聖誕禮物~~佢知道我好怕凍,所以佢買左充電式暖蛋比我...真係多謝佢,等我有一個溫暖既聖誕呀!

今晚朋友們為士巴拿同埋關羽生日而出來食飯慶祝,是日晚飯地點~沙田露比餐廳...佢間舖轉左新地點,都係第一次來,野食比以前差左,份量當然係一般,唔似以前每碟都大大的...食完我地重係Starbucks飲野,大家傾傾傾,開開心心過了一個晚上

今日係我蝦子餅士巴拿既生日,係度祝佢生日快樂!!因為今日要返工,所以放工返左屋企食左lunch+休息一陣...我地黃昏就出左去TST喇!

因為知道士巴拿喜歡吃上海野,所以今晚同士巴拿係尖東既小南國食...呢間環境舒服,我地叫左四樣野~沙窩雲吞雞,上海炒麵,小籠飽,涼伴茄子,D野食唔錯呀!下次一定要約朋友們再來

食飽飽,我地就行尖東海傍,一路行一路影燈飾...不過,今晚都幾多人同埋無咩燈飾影,所以都無咩心機影呀!

今晚無禮物比佢,要等遲D先有呀!

放工同士巴拿係佐敦食左少少野,就去參加Keith既婚禮,今晚飲宴既地點係逸東酒店...去到見到d好耐無見既中學同學...今晚我地成圍枱只得8個人,但得我一個女仔咋!今晚我地食得好開心,佢地班男仔玩到傻晒,真係好耐都無試過咁啦!!希望遲d出來再聚啦!

~重有,今日士巴拿返工啦...多謝關心他的朋友~